د پاکستان د بلوچستان ایالت په قلعه سیف الله سیمه کې د یوه مسافر وړونکي موټر د چپه کېدو له امله شپږ مسافر وژل شوي او شاوخوا ۲۸ نور ټپیان شوي دي. د پاکستاني چاوراکو د معلوماتو له مخې یاد مسافر وړونکی بس له کوټې څخه خیبرپښتونخوا ته روان و چې د قلعه سیف الله په تورو وسکي سیمه کې یوې ژورې کندې ته لوېدلی دی. دغه پېښه تیره شپه رامنځته شوې ده. د پيښې په قربانیانو کې ښځې او ماشومان هم شامل دي او د سیمې نږدې روغتونونو ته انتقال شوي دي. پاکستاني چارواکو په دغه ترافیکي پېښه کې د نهوو ټپي شوو کسانو روغتیايي حالت خراب بللی دی. ویل کیږي چې په دغه مسافر وړونکي بس کې سپاره کسان شعیه زیارت کوونکي و.
