پاکستاني چارواکي وایي د وروستي برید په تړوا یې ۲۳ کسان نیولي

پاکستاني چارواکي وایي، چې د پېښور د پولیسو د مرکز په جومات کې یې د چاودنې په تړاو ۲۳ شکمن کسان نیولي دي. د پولیسو یو ځایي چارواکي د نوم د نه ښودلو په شرط د فرانسې خبري آژانس ته ویلي، مسولین همدارنګه په دې اړه څیړنې کوي چې آیا چا د پولیسو د مرکز له منځه د برید له ترسره کیدو سره همکاري کړې که نه. یو ځانمرکي برید کوونکي د تېرې دو شنبې په ورځ د پيښور په شمال لودیځ کې د پولیسو یو ډیر حساس مرکز ته په داخلیدو وکړای شول چې خپل چاودیدونکي توکي د لمونځ کوونکو په منځ کې والوزوي چې له امله یې ۱۰۱ کسان ووژل شول او ۲۲۵ نور ټپیان شول. په دې پيښه کې پر پوځي افسرانو یو دیوال هم راوغورځید. چارواکي همدارنګه په دې اړه څیړنې کوي چې څنګه یو بریدګر وکړای شي دې مهم مرکز ته ننوځي هغه ځای چې د ترهګرۍ سره د مبارزې د استخباراتو یو مرکز هم پکې دی. د پاکستان حکومت، تحریک طالبان پاکستان ددې برید مسول بللی خو یادې ډلې په دې برید کې هر ډول لاس لرل رد کړي دي.