ټام وېسټ په ملګرو ملتونو کې د اماراتو له سفیرې سره د افغانستان په اړه خبرې کړې دي

په ملګرو ملتونو کې د متحده عربي اماراتو سفیرې د افغانستان لپاره د امریکا له ځانګړي استازي توماس ویسټ او په ملګرو ملتونو کې د امریکا د متحدو ایالتونو د استازي له مرستیال رابرټ ووډ سره کتلي دی. په ملګرو ملتونو کې د متحده عربي اماراتو استازې په خپله ټويټر پاڼه ليکلي، چې په دې ليدنه کې د افغانستان پر وضعيت او په ځانګړې توګه د ملګرو ملتونو په دفترونو کې د افغان مېرمنو پر کار بنديز د سرپرست حکومت د وروستۍ پرېکړې په اړه خبرې کړې دی.