په هېواد کې د کرونا له امله د مړو شوو کسانو شمېر ۸۰۷ ته رسېدلی دی. د عامې روغتیا وزارت د معلوماتو له مخې په تېرو ۲۴ ساعتونو کې په هېواد کې د کرونا ۱۸۶ مثبتې پېښې ثبت شوې دي او همدا راز د کرونا ۳۳ ناروغان په همدې موده کې مړه شوي دي. په دې سره د ټولو مثبتو پېښو شمېر ۳۲۰۲۲ ته رسېدلی او د ټولو مړو شوو کسانو شمېر ۸۰۷ کسانو ته رسېدلی دی. همدا راز د ټولو جوړوو شوو کسانو شمېر بیا ۱۶۰۳۱ ته رسېږي. عامې روغتیا وزارت د نوو پېښو د کمېدو په تړاو خوشبیني ښيي خو بیا هم پر خلکو غږ کوي چې ددوی سپارښتنو ته جدي پاملرنه وکړي او ځان له دې خطرناک ویروس خوندي کړي.
