د چين د دولت رئيس شي جين پينګ د جون د ۱۹مې نېټې له غرمې وروسته په بېجينګ کې د امريکا له بهرنيو چارو وزير انټوني بلينکن سره وکتل.
شي جين پينګ وويل، چې نړۍ پرمختګ کوي او زمانه بدلېږي، نړۍ د چين او امريکا تر منځ ثابتې اړيکې ته اړتيا لري او د دواړو هېوادونو سمې اړيکې د انسانانو له راتلونکي سره تړاو لري. چين او امريکا د ځمکې په لویه کره کې ځای لري او نړۍ دا مني چې دغه دواړه هېوادونه په خپلو هڅو سره پرمختګ او سمسورتیا مومي. د چين خلک د امريکايانو په شان غيرت، باور او قوت لرونکي دي او د نيکمرغه ژوند لټولو حقونه لري، د دواړو هېوادونو ګډو ګټو ته بايد درناوی وشي او دواړه هېوادونه د خپلو زحمتونو پرمټ بری مومي او د هر لوري بری به د مقابل لوري لپاره فرصتونه برابروي، نه ګواښونه. اوسمهال نړيواله ټولنه د چين او امريکا د اړيکو په هکله اندښنه لري او نه غواړي چې دواړه هېوادونه یو له بل سره مقابله وکړي او نه غواړي په دې دواړو هېوادونو کې يوه خوا وټاکي، دغه راز هيله لري، چې چين او امريکا په سوله کې ګډ ژوند وکړي او دوستانه همکارۍ وکړي. دواړه هېوادونه بايد تاريخ، خلکو او نړۍ پروړاندې مسوولانه رويه غوره کړي او په ښه توګه دوه اړخيزې اړيکې جوړې کړي، د نړيوالې سولې او پرمختګ لپاره خدمتونه وکړي او دا چې نړۍ اوس له ستونزو او ګډوډيو سره مخ ده، نو دواړه هېوادونه باید د ثبات لپاره مثبت عوامل زيات کړي.
شي جين پينګ دې ته په اشارې سره چې د لويو هېوادونو تر منځ سيالي د اوسنۍ زمانې له څپې سره سمون نه لري او د لویو هېوادونو ترمنځ سیالۍ د امریکا مسئلې او د نړۍ پروړاندې ننګونې نشي حلولای.
چين د امريکا د ګټو درناوی کوي او نه غواړي امريکا چلنج کړي او نه غواړي چې د دغه هېواد ځای ونیسي. دغه راز امريکا بايد د چين درناوی وکړي او د چين معقول حقونه او ګټې زيانمن نه کړي. هره خوا بايد د خپلې نظريې له مخې بله خوا بدله کړي او د متقابلې خواوې باید د معقول پرمختګ حقونه لوټ نه کړي. چين تل هېله لري، چې د چين او امريکا اړيکې په سالمه او ثابته توګه پرمختګ وکړي او باور لري، چې دواړه هېوادونه ستونزې حلولای شي، متقابل درناوي، په سوله کې ګډ ژوند، د همکاريو له لارې د ګډې ګټې تر لاسه کولو پر بنسټ سمې لارې لټولی شي. دی وايي: هیله لري چې امريکا معقوله او واقعي رويه غوره کړي، له چين سره پر يوه لوري حرکت او پرمختګ وکړي، په ګډه هلې ځلې وکړي چې په بالي ټاپو کې زما او د ولسمشر بايډن پر شویو توافقاتو ټينګار وکړي، اړوندې فعالې ژمنې تطبيق کړي تر څو دوه اړخيزې اړيکې ثابتې او ښې شي.
بلينکن د چين د دولت رئيس شي جين پينګ ته د بايډن سلامونه وړاندې کړل او ويې ويل، چې ولسمشر بايډن باور لري، چې امريکا او چين د دوه اړخيزو اړيکو د ښه اداره کولو دنده او مسوولیت لري او دا د دواړو هېوادونو او آن د نړۍ له ګټو سره سمون لري. امريکا په بالي ټاپو کې د دواړو هېوادونو د مشرانو لخوا ټاکل شوې اجنډا عملي کړي. امريکا د بايډن هغه ژمنه پوره کوي، چې نوې سړه جګړه نه غواړي، د چيني ميکانيزم د بدلو نيت نه لري، له ملګرو سره د اړيکو پياوړتيا له لارې به له چين سره مخالفت ونه کړي، د تايوان د خپلواکۍ پلوي نه کوي، له چين سره تقابل نه غواړي، له چين سره د مشرتابه په کچه د ترګ راتګ هيله لري، له چين سره به همغږۍ وکړي او په مسوولانه توګه به خپلمنځي توپيرونه کنټرول کړي او له چين سره د خبرو اترو او همکاريو په لټه کې دي.
