د چین د دولتي شورا غړي او د بهرنیو چارو وزیر چین ګانګ د جون په ۲۵مه نېټه په بېجینګ کې د سریلانکا له بهرنیو چارو وزیر علي سابري سره وکتل.
چین ګانګ وویل، چین غواړي له سریلانکا سره ستراتيژيکې همکاریزې اړیکې لا ټينګې کړي. دواړه خواوې باید د دواړو هېوادونو د مشرانو مهم توافقونه او د نظر اجماع په جدي توګه تطبیق کړي، د لوړې کچې خپلمنځي تګ راتګ او کلتوري تبادلې دې پياوړې کړي او په باکيفيته توګه د يو کمر بند یوې لارې ګډې جوړونې ته دې وده ورکړي او نور زیات بریالیتوبونه دې تر لاسه کړي. چین به د اقتصاد او ټولنې پرمختګ په برخو کې له سریلانکا سره مرستې وکړي.
علي سابري وویل، سریلانکا له چین څخه مننه کوي چې له اوږدې مودې راهیسې يې ورسره ډېرې مرستې کړې.
ده وويل، چين له سریلانکا د پورونو ستونزې د حل په بهیر کې ملاتړ کړی. سریلانکا به د یو چین پېژندنې اصل په جدي توګه مراعات کړي، د یو کمربند او یوې لارې پروژه کې به ښه برخه واخلي، له چین سره د اړیکو د لا ټينګښت لپاره به ډېر کوښښونه وکړي. (هیله)