غزني او پروان کې د اختر ورځو ترافيکي پېښو کې ۳ کسان مړه او ١۲۶ نور ټپيان شوي

په غزني کې د لوی اختر په درېیو ورځو کې په ۶۵ ترافیکي پېښو کې درې تنه مړه او ۱۲۶ نور ټپیان شوي دي. په دغو پېښو کې ډیری ښځې او ماشومان هم شامل دي. د معلوماتو له مخې، دغه پېښې د موټرو له چپه کېدو، او یو موټر سايکل له يوه مسافر وړونکي موټر سره د ټکر له امله رامنځته شوي. د غزني له ولايتي روغتونه يوه سرچينه وايي، چې دغه روغتون ته د ترافيکي پېښو زیات شمېر ټپيان لېږدول شوي دي. په دې وروستیو میاشتو کې په هېواد کې ترافیکي پېښې زیاتې شوي دي. په همدې حال کې د تېرې پنجشنبې په ورځ په نیمروز کې په یوه ترافیکي پېښه کې د یوې کورنۍ درې غړي مړه شول. د سړکونو خرابوالی او د موټر چلوونکو بې احتیاطي د ترافیکي پېښو د زیاتوالي مهم لاملونه بلل کېږي.