سوداګر: پاکستان سره دې د ترانزیټي اموالو د امنیت په تړاو خبرې وشي

په پاکستان کې د افغانستان د صادراتي انځرو د ترانزیټي محمولې د سوځېدو ویډیو له خپرېدو وروسته یو شمېر سوداګر د پاکستان له لارې د سوداګریزو توکو د ترانزېټ په اړه اندېښنه څرګندوي. دغه سوداګر له سرپرست حکومت غواړي چې له پاکستاني لوري سره د ترانزېټي محصولاتو د امنیت ساتنې په تړاو خبرې وکړي، څو له دې پلوه د سوداګرو ډاډ ترلاسه شي. د افغانستان ـ پاکستان ګډې سوداګرۍ او پانګونې خونې هم د پاکستان په خاوره کې د یو افغان سوداګر د ترانزیټي محمولې، چې هند په لاره وه سوځېدل غندلي او له دواړو هېوادونو یې غوښتي چې د سوداګرو د تزاېټي توکو امنیت وساتي.