د کندهار پوهنتون استاد: د نړيوالو ستونزو د حل لپاره په کار ده چې د نړۍ ټول هېوادونه لاس سره يو کړي

د سپتمبر په ۲۶مه نېټه د چين د دولتي شورا د مطبوعاتو دفتر لخوا (( د بشر ګډ برخلیک ټولنه: د چين وړانديز او عملونه )) سپين کتاب خپور کړ. څرنګه چې روان کال د چين د دولت رئیس شي جين پینګ له خوا د انسانانو د ګډ برخليک ټولنې د ابادۍ د مفکورې د وړاندې کولو له لسمې کليزې سره برابر دی. نو د دغه سپين کتاب په خپرېدو سره به د بېلا بېلو ټولنو شخصيتونه او نړیواله ټولنه د يادې ټولنې د ابادۍ پر ژور اهميت ښه پوه شي. ټولو ته معلومه ده چې اوسنۍ نړۍ د بدلېدو په حال کې ده. انساني ټولنه له بې سارو ننګونو سره مخ ده. د بېلګې په توګه جګړه او پوځي کشالې. نو د يادې مفکورې وړاندې کول د ګردې نړۍ لپاره لازم دي. د کندهار پوهنتون استاد محمد نوري په وروستیو کې په دې اړه د سي جي ټي اېن له خبريالې سره د مرکې په ترڅ کې ويلي چې د نړيوالو ستونزو د حل لپاره په کار ده چې د نړۍ ټول هېوادونه لاس سره يو کړي.
د ده په اند دا رښتيا ده چې د نړۍ د مختلفو هېوادونو ترمنځ د بېلابېلو مسایلو پر سر شخړې شته دي. سیاسي رقابتونه، اقتصادي جنګ، سړه جګړه او د دې هر څه سربېره د نړۍ په ډېرو هېوادونو کې فزیکي جګړې روانې او مخ پر ودې دي. چې په ترڅ کې یې هره ورځ انسانان وژل کېږي، وېره تیت کېږي او نړۍ ته مالي زیانونه اړول کېږي. د نړۍ د هر هېواد پېښه او تاوان د ټولې نړۍ بدرنګي ده. هغه په خپلو خبرو کې داسې ويلي چې په اصل کې د ځمکې کره یو کور ده، چې د نړۍ نوم ورکړل شوی. هېڅ هېواد او سیمه له دغه کوره ځان نه شي بېلولی. دا چې انسانان خدای ج ټولنیز پیدا کړي، نو اړ دي چې د یو او بل ترڅنګ ژوند وکړي او یو بل ته د همکارۍ لاس ورکړي. کله هم یو کس نه شي کولی په انفرادي توګه خپلې ټولې اړتیاوې پوره کړي. که د نړۍ په کچه نظر وکړو، د نړۍ هېوادونه هم ورته مثال لري. هر هېواد په یو نه یو ډول نورو هېوادونو او نړۍ ته اړ دي او نه شي کولی چې، خپلې ټولې داخلي او خارجي چارې په یوازې ځان سمبال کړي. اړه ده چې له دنیا سره تعامل وکړي او په ډېرو مواردو کې، د نړۍ له نورو هېوادنو سره د نړۍ د شریکو اهدافو لپاره ګډ کار وکړي. د نړۍ په مختلفو سیمو کې د روانو جګړو او ستونزو حل، د یوه هېواد کار نه شي کېدلی. په کار ده چې، د یادو ستونزو له منځه وړلو لپاره ټوله نړۍ یو موټی شي؛ یو او بل ته لاس ورکړي.
هو، دا حقيقت دی. که