د اوسپنې پټلۍ ادارې رییس او مل پلاوي روسیې ته د سفر په ترڅ کې د یاد هېواد د ولسمشر له سلاکار رمضان عبدالطیف اوف سره لیدلي. په دې لیدنه کې رمضان، افغانستان کې د اوسپنې پټلۍ په برخه کې پانګونې ته لېوالتیا ښودلې او زیاته کړې یې ده، چې روسیه به افغانستان کې د پانګونې په موخه راتلونکي کال کې د روسیې ـ افغانستان دوستي کنفرانس جوړ کړي. ورته مهال د افغانستان د اوسپنې پټلۍ ادارې رییس بخت الرحمن شرافت دوی ته ډاډ ورکړی، چې سرپرست حکومت د پانګونې په برخه کې له پانګوالو سره اړینه همکاري کوي او په دې برخه کې هغوی ته لازمې اسانتیاوې برابروي.
