مکسیکو کې د سخت توپان له امله ۲۷ تنه مړه شوي

د مکسیکو د اکاپولکو تفریحي سیمه کې د «هریکېن اوتېس» په نوم توپان له امله ۲۷ کسان مړه شوې دي. اوټېس توپان چې چټکوالی ساعت کې ۲۷۰ کیلومټره ته رسېده، یاده سیمه کې کورونه ویجاړ کړي او ونې یې له بېخه راوېستلې دي. سیمه کې د برېښنا او مخابراتي شبکو ستنې هم نړېدلې دي. د الجزیرې د راپور له مخې، ځینې روغتونونه د سېلابونو راوتلو له کبله اړ شوي چې ناروغان خوندي سیمو ته ولېږدوي. چارواکو ویلي چې ډېری کسان په اوبو کې د ډوبېدو له امله مړه شوي، خو د ټپیانو شمېر یې نه دی په ډاګه کړی. چارواکو همداراز سیمه کې بېړنی حالت اعلان کړی او ترڅنګ یې د څلور کسان د لادرکه کېدو خبر هم ورکړی دی.