د بهرنیو چارو سرپرست وزیر د افغانستان لپاره د ملګرو ملتونو د سرمنشي له ځانګړې استازې، روزا اتونبایوا سره لیدلي دي. د بهرنیو چارو وزارت ویاند پر خپله ټویټر پاڼه لیکلي، چې په دې ليدنه کې له پاکستانه د افغان کډالو ایستلو په اړه خبرې وشوې او پاکستان کې له افغان کډوالو سره د پاکستاني ځواکونو پر ناسم چلند نیوکې شوي دي. هغه لیکلي چې سرپرست وزیر له راستانه شویو سره لنډمهالې او اوږدمهالې مرستې د سرپرست حکومت لومړیتوب یاد کړی دی. ویاند د اغلې اتونبایوا له خولې لیکلي چې روان وضعیت له نږدې څاري او له راستانه شویو افغانانو سره د نړۍوالو پام او مرستو جلبولو کې هڅې کوي.
