له ایرانه خپریدونکې تهران ټایمز انګلیسی ورځپاڼې افغانستان او روسیې ته د ایراني مقاماتو د وروستي سفر په تړاو لیکلي دي چې ځینې هیوادونه او کړۍ په سر کې امریکا او سعودي عربستان نه غواړي چې افغانستان او ایران د همکاریو ګډ ستراتیژیک تړون ولري، ورځپاڼه لیکي افغان او ایراني چارواکو دې وروستیو کې په دې بحث او خبرې پیل کړې دي څو دواړه هیوادونه د ګډو ګټو ستراتیژیک تړونونه ولري. ورځپاڼه وايي دواړو هیوادونو موافقه کړې او تخنیکي ټیمونو کار پیل کړی څو ګډ ستراتیژیک تړون چمتو کړي ، په خبر کې راغلي چې دغه تړون د افغان سولې پروسې له کامیابۍ سره هم نیغه اړیکه لري او ددې امکان شته چې تړون د روان کال تر پایه سولې خبرو کامیابیدو سره جوخت لاسلیک کړل شي.
