د پاکستاني رسنیو د راپورونو له مخې، له پاکستانه د افغان کډوالو د ایستلو د پرېکړې پر اساس د پېښور له زندان څخه ۲۱ تنه نور بندیان هم تېره ورځ د ترخم له لارې هېواد ته را استول شوي دي. د پېښور د مرکزي زندان چارواکو ویلي، چې له دې سره له دې زندانه افغانستان ته د استول شویو بندیانو شمېر ۷۶ ته ورسېد. چارواکو تاييد کړې، چې په دې ۷۶ کسانو کې ۵۲ تنه کم عمره بندیان وو، چې د تېرې چارشنبې په ورځ له دې زندانه افغانستان ته استول شوي دي. دا په داسې حال کې ده چې د نوامبر په لومړۍ نېټه له پاکستانه د افغان کډوالو د لېږد لړۍ له پيليدو سره سم هره ورځ زرګونه افغان کډوال له دې هېواده ایستل کېږي.
