له کرونا سره د مبارزې په موخه د ایران له لوري مرسته شوي طبي توکي افغان چارواکو ته سپارل شوي دي. د درې میلیون افغانیو په ارزښت دا طبي توکي په هرات کې د ایران د سرکنسول محمد صدیقی فر او د یاد ولایت د والي سید وحید قتالي په حضور کې د هرات ولایت روغتیایي چارواکو ته سپارل شوي دي. د مرستو په دې بسته کې ماسکونه، سنیټایزر او نور طبي توکي شامل دي. هرات کې د ایران سرکنسول د یادې مرستې د سپارلو پر مهال ویلي، دوی به د کرونا وبا پر مهال له افغانستان سره خپلو روغتیایي مرستو، مشورو او همکاریو ته دوام ورکړي.
- Trending
- Comments
- ورستی
