اروپايي ټولنې له اوکراین سره ۱۱۰ میلیونه یورو نوې مرسته اعلان کړه

د اروپايي کمېسیون یوه ویاند ويلي، چې دغه ټولنه يو ځل بيا له اوکراين سره د ۱۱۰ میلیونه یورو مرسته کوي. نوموړي زياته کړې، چې له دغه مرستې ۱۰۰ میلیونه یورو یې په اوکراین کې د عملیاتو او ۱۰ میلیونه یې په مالدوا کې د اوکراین د کډوالو او د هغوی د ملاتړو ټولنو لپاره دي. نوموړي ويلي، په داسې حال کې چې د اوکراین پر وړاندې د روسیې جګړه دوام لري، په دغه هېواد کې بشري وضعیت له ناورین سره مخ دی، له همدې امله اروپايي کمېسيون دغه مرسته کړې.