هندي چارواکي وايي چې ۱۴افغان لارۍ موټر چې د افغاني توکو څخه ډک وو د هند شمالي اتاري ایالت ته رسیدلي دي. چارواکي وایي کاروان له یوې اونۍ څخه په لږه موده کې د واګه بندر له لارې هند ته ورسید. د هند د سوداګرۍ او صنایعو رییس، اشوک سټي هندوستان ټایمز ته ویلي چې په تېرو څلورو ورځو کې ۱۴ موټره د وچې میوې او نورو توکو څخه ډک دغه هیواد ته رسیدلي دي. هند ته د افغاني توکو صادرات د کرونا وبا د خپریدو له امله د څو میاشتو لپاره درول شوي وو. خو یوه اوونۍ دمخه، د پاکستان حکومت وویل چې دوی به د واګه بندر خلاص کړي ترڅو هند ته د افغاني توکو صادرات وشي. هندوستان معمولا له افغانستان څخه وچې میوې او بوټي واردوي.
