د فلسطين او اسرائيل د مسئلې په هکله د بریکس ځانګړې انلاين سرمشريزې ته د شي جين پينګ وينا

(د اوربند هڅول او د دايمي سولې او خونديتوب رامنځته کول)

(د ۲۰۲۳م کال د نومبر ۲۱مه، بېجینګ)

محترام ولسمشر متاميله رامفسا او ملګرو:

دغه سرمشريزه د بریکس غړو له پراخېدو وروسته د مشرانو تر منځ لومړۍ کتنه ده. زه لومړی د بریکس د نويو غړو هېوادونو د مشرانو هرکلی کوم او د دې کتنې لپاره له ولسمشر متاميله رافسا او د جنوبي افريقا حکومت له ټولو هلو ځلو څخه مننه کوم. دا پر وخت او لازمه ده چې د بریکس هېوادونه په اوسني وضعيت کې د فلسطين او اسرائيل د مسئلې په هکله عادلانه او سوله ييز اواز پورته کوي.

د غزې په تړانګه کې شخړې څه باندې يوه مياشت دوام درلودلی، چې د ګڼ شمېر ملکي وګړيو ته یې مرګژوبله اوښتې او د سخت بشري ناورين سبب وګرځېد، دغه راز د ستونزو د لا پراخېدو تمايل لیدل کېږي، چين دغه حالت ته جدي پاملرنه کوي. په اوسني وضعيت کې لومړی بيړنۍ اړتيا ده، چې د شخړې ښکيلې خواوې بايد سمدستي اوربند وکړي، پر ملکي وګړيو دې بريدونه او زور زياتی ختم کړي، بندي ملکي وګړي دې خوشي کړي تر څو لا زياتو خلکو ته د زيانونو رسولو مخه ونيول شي. دويم: د بشري مرستې لارې بايد په خوندي او سالمه توګه تضمين شي او د غزې په تړانګه کې خلکو ته دې لا زياتې بشري مرستو رسېدو ته زمينه برابره شي، په زور د کډوالو او د اوبو، بريښنا او تيلو د پرې کولو په شمول د غزې خلکو ته ډله ايزې سزاګانې دې پای ته ورسېږي. درېيم: نړيواله ټولنه بايد واقعي تدبيرونه ونيسي تر څو د شخړې د پراخېدو مخه ونيول شي او د منځني ختيځ سيمې پر ثبات منفي اغيزه ونه کړي. چين د تېر اکتوبر په ۲۷مه نېټه د ملګرو ملتونو د عمومي اسامبلې په ځانګړې غونډه کې د فلسطين او اسرائيل تر منځ د سخړې په هکله له منظور شوي پريکړه ليک څخه ملاتړ کوي. چين د ملګرو ملتونو د امنيت شورا د نوبتي رئيس په توګه د امنيت شورا ۲۷۱۲م پريکړه ليک د تصويبېدو پلویتوب کړی. بېلا بېلې خواوې بايد دغه پريکړه ليک تطبيق کړي.

د فلسطین او اسرائیل وضعیت د اوسني سختېدو حالت بنسټيز لامل دا دی چې د خپل هېواد د جوړونې او خپل ژوند د ساتنې په شمول د فلسطینیانو حقونه له اوږدې مودې راهیسې له پامه غورځول شوي. څو ځلې مې پر دې ټينګار وکړ چې د فلسطین او اسرائیل مسئلې د حل اصلي لاره د دوو هېوادونو رامنځته کېدو لايحې تطبيق دی، د فلسطینیانو قانوني حقونه اعاده او یو خپلواک فلسطیني هېواد رامنځته کېږي. که د فلسطین مسئله نه په عادلانه توګه حل شي، نو په منځني ختیځ کې به دایمي سوله یا ثبات عملي نه شي. چین غوښتنه کوي چې لا زیاتې صلاحیت لرونکې نړیوالې غونډې ترسره شي، پراخې نړیوالې ګډې نظر یې راټولې کېږي او د فلسطین مسئلې د پوره، عادلانه او دایمي حل وهڅول شي.

د فلسطین او اسرائیل د روان کړکچ تر رامنځته کېدو راهیسې، چین د اوربند هڅونې لپاره دوامدار کوښښونه کړي. چین د فلسطین ملي ادارې او د ملګرو ملتونو ارګان له لارې د غزې خلکو ته د ۲ میلیونو ډالرو په ارزښت بشردوستانه مرستې برابرې کړي او د مصر له لارې د غزې ټرانګې ته د ۱۵ میلیونو یوانو په ارزښت د خواړه او درملو په شمول بېړنۍ مرستې برابرې کړې دي. چین به د غزې له خلکو سره دوامدارې مرستې وکړي.

چین په روانه میاشت کې د امنیت شورا د نوبتي رئیسه هېواد په توګه د اړوندو هوکړو تصویبدل هڅولي چې له اړوندو خواوو څخه غواړي چې د ملکي وګړیو خوندیتوب وساتي او ورسره بشردوستانه مرستې وکړي.

ملګرو!

د بریکس همکاریز میکانیزم د نوي بازار لرونکو هېوادونو او پرمختیايي هېوادونو ترمنځ د یووالي او همکارۍ د پياوړتیا او د ګډو ګټو د ساتنې مهم ډګر دی. نن مو د فلسطین او اسرائیل مسئلې په اړه دريځونه همغږي کړي، عملي اقدامات مو کړي، د بریکس لويه شوې کورنۍ د راتلونکې همکارۍ لپاره مو یوه نمونه جوړه کړې ده. چین په روان کال کې د بریکس اړوندو چارو د پرمخبیولو لپاره د جنوبي افریقا مهم خدمتونه ستايي، روسیه به په راتلونکي کال کې د دغه سازمان د رئیسه هېواد دنده پر غاړه واخلي. چین غواړي له نورو غړو سره د روسیې له کارونو ملاتړ وکړي او د بریکس همکارۍ نوې زمانه پیل کړي.