کانونو وزارت: ډېر ژر به افغانستان د نفتو صادروونکی هېواد وي

د کانونو  او پټرولیم وزارت مسوولین وايي چې د تېلو او ګازو د استخراج په برخه کې يې هڅې روانې کړې دي. د دغه وزارت ویاند ویلي، چې د نفتو په برخه کې ۱۷ څاګانې فعالې دي او له دې سره به لس سلنه اړتیا پوره شي. نوموړي له رسنیو سره په خبرو کې هیله څرګنده کړې چې د یادو حوزو د کشف، استخراج وروسته به هېواد د نفتو او ګازو له پلوه پر ځان بسیا شي او راتلونکې کې به د تېلو د صادرونکو هېوادو په لېست کې هم شامل شي. مسوولین وايي دا چې افغانستان د نفتو او ګازو له اړخه یو بډایه هېواد دی؛ خو په تېرو څو کلونو کې له یادو زخیرو څخه په سمه توګه ګټه نه ده پورته شوې. دوی وايي، هڅه یې داده چې له شبرغان څخه تر مزار پورې د ګازو پایپ لاین وغځول شي او په یاده سیمه کې د ګازو نورې  څاګانې هم کشف شي.