د تجارت نړيوال سازمان، د ملګرو ملتونو د تجارت او پرمختګ کانفرانس او د تجارت نړيوال مرکز په شمول د نړيوالو سازمانونو مسئولينو په دې وروستۍ موده کې په ځانګړو مرکو کې د چين د اقتصاد په اړه خوشبين نظرونه څرګند کړي او ويلي يې دي، چې د چين د اقتصادي پرمختګ تمايل به مخ په ښه کېدو روان وي.
۱ـ د چين اقتصاد مخ په ښه کېدو روان دی
د ملګرو ملتونو د تجارت او پرمختګ کنفرانس سرمنشې ريبېکا ګرينسپان ويلي، چې د نړيوال اقتصاد د زياتوالي لپاره د چين خدمت تر نورو زيات دی. چين د صنعتي توليداتو، اساسي تأسيساتو، د توکو باربرۍ او د تخنيکونو په برخو کې د خپلو ښېګڼو له لارې اقتصادي زیاتوالی تر لاسه کړی، له دې څخه دا ليدل کېږي، چې دغه هېواد په نړیوال تجارت کې مهم رول لوبوي. د چين اقتصاد به له سيستماتيک تدریج وروسته دوامدار زياتوالی موندلی شي.
د تجارت نړيوال مرکز اجرايوي مشرې پامېلا کوک هاميلتن د چين د اقتصاد د راتلونکې په اړه خوشبين دی او ويلي يې دي، چې چين ۱ میليارډ او ۴۰۰ میلیونه نفوس لري، مانا يې دا ده چې دغه هېواد يو ډېر لوی مصرفي بازار لري. د چين د شمېرنې ملي ادارې د ۲۰۲۳م کال د لومړیو درېو ربعو د شمېرنې له مخې، د چين مصرفي تقاضا د زیاتېدو په حال کې ده او اقتصاد او تجارت ته به وده ورکړي. دغه هېواد په دوامداره توګه د نويو تخنيکونو او نویو صنايعو په برخو کې څېړنې او پانګونه کوي او اقتصاد ته تعديل او تدریج کوي، همدا راز به اقتصادي زياتوالی ورسوي. د دې تر څنګ، چين لا پر ورخلاصون ټينګار کوي او د اقتصاد د نړيوال کېدو هرکلی کوي.
د تجارت نړيوال سازمان عمومي مدير نګوزي اوکونجو ايويلا ويلي، چې د چین تدبيرونه لکه پر ورخلاصون ټينګارتیا، د پرمختګ نوې طرح جوړول او د کورني مصرف هڅول، د اقتصاد د بيا سمسورتیا لپاره ګټور دي.
۲ـ د چين د اقتصادي جوړښت ښه والی او اپګرېد
د ملګرو ملتونو د تجارت او پرمختګ کنفرانس سرمنشې ريبېکا ګرينسپان ويلي، چې چين د بېتري ، مصنوعي ځيرکتيا او برېښنايي موټر په شمول په لوړ تخنيکي صنايعو کې مخکښ ځای لري. د دې تر څنګ، د چين اقتصادي جوړښت تل د ښه والی او اپکريد په حال کې دی، نو وړاندوينه دا ده چې په راتلونکې کې به يې اقتصاد دوامدار زياتوالی وموندل شي. د کورنۍ تقاضا د پراخېدو په پار د چيني حکومت هڅه د اقتصادي زیاتوالي د چټکتيا لپاره ډېره مهمه ده.
نوموړې ويلي، چې اوس د تجارت نړیوال وضعیت د بدلون په حال کې دی، د توکو معاملې مخ په ځوړ دي، خو خدماتي معاملې، په تېره بيا د ډيجیټلي اقتصاد په اړه معاملې مخ په زياتېدو روانې دي. د چين اقتصادي جوړښت ښه والی او اپګرېد روان دی او په راتلونکې کې به مصرفي تقاضا، خدماتي چارو او ټېکنالوژۍ ته نوره پاملرنه وکړي.
د تجارت نړيوال مرکز اجرايوي مشرې پامېلا کوک هاميلتن په مرکه کې ويلي، چې د چين په صنعتي جوړښت کې څرګند بدلون راغلی دی، د برېښنايي موټر صنعت ډېر پرمختګ موندلی دی. د دې هېواد د برېښنايي موټر صادراتي اندازه په نړۍ کې ډېره لويه ده، چې د چين حتی د نړۍ د اقتصادي پرمختګ لپاره يې نوي فرصتونه برابر کړي دي. هيله يې ښودلې، چې د پرمختيايي هېوادونو کوچنۍ او منځنۍ تصدۍ به په دې بهير کې برخه او ګټه واخلي.
۳ـ د چين اقتصادي پرمختګ د نړيوال تجارتي زياتوالي لپاره ګټور دی
د روان کال په نومبر کې مېرمن ريبېکا ګرينسپان چين ته سفر او د چين په شپږم نړيوال وارداتي نندارتون کې ګډون کړی و. د هغې په اند، دغه نندارتون د چين بازار ته د بهرنيو تصديو، په تېره بيا د پرمختيايي هېوادونو د کوچنيو او منځنيو تصديو د ننوتنې لپاره ښه فرصت برابر کړی دی. د هغې په خبره، کوچنۍ او منځنۍ تصدۍ د نړۍ د ټولو تصديو ۹۰ سلنه نيولې، د نړۍ ۶۰ ـ ۷۰ سلنه کاري فرصتونه يې برابر کړي او د نړۍ ۵۰ سلنه توليدي اندازه يې رامنځته کړې. دا ډېره مهمه خبره ده، چې کوچنۍ او منځنۍ تصدۍ د چين له پرمختګ څخه ګټه اخيستلی شي.
پامېلا کوک هاميلتن هم د چين په شپږم نړيوال وارداتي نندارتون کې ګډون کړی و. د هغې په نظر، دغه نندارتون د چین بازار ته د وروسته پاتې هېوادونو د تصديو د ننوتنې لپاره ډېره مرسته کړې ده، د نړۍ په تېره بيا د پرمختیايي هېوادونو لپاره يو مهم فرصت دی. هغې ويلي، چې له ۲۰۰۸م کال راهيسې چين د وروسته پاتې هېوادونو د صادراتو لپاره عمده موخه هېواد ګرځېدلی دی، چې د وروسته پاتې هېوادونو د يو څلورمې برخې صادرات يې نيولي دي، دغه شمېر ډېر لوی دی.
نوموړې ويلي، چې د ملګرو ملتونو د دوامدار پرمختګ د موخې د پوره کولو يوه مهمه طرحه دا ده، چې د وروسته پاتې هېوادونو صادراتو ته وده ورکړل شي او په دې سره اقتصاد او ټولنه يې پرمختګ وکړي. د هغې په خبره، د چين نړيوال وارداتي نندارتون د يادې طرحې يوه برخه ده.
نګوزي اوکونجو ايويلا ويلي، چې چين د نړۍ دوهم لوی اقتصاد دی او د نړيوال تجارت په برخه کې مهم مقام لري. د دغه هېواد په تجارتي برخه کې ښه پرمختګ به د نورو هېوادونو او سيمو، په تېره بيا د پرمختيايي اقتصاد سوداګریز او تجارتي پرمختګ ته ګټې ورسوي.
