د ترکیې سمندري ځواکونه خبر ورکړی، چې ۲۰ تنه افغان ګډوال یې په اوبو کې له ډوبېدو ژغورلي دي. سپوټنیک خبري آژانس د ترکیې سمندري ځواکونو له قوله خبر ورکړی چې د یادو افغان کډوالو بېړۍ چې ښځې او ماشومان هم پکې سپاره وو د تاشبورون په سمندر کې له حرکته لوېدلې وه او د ډوبېدو له خطر سره مخ وه چې، د ترکیې سمندري ځواکونو له لوري وژغورل شول. دوی وايي دغه ډلې افغان کډوالو غوښتل په غیر قانوني توګه ترکیې ته دننه شي. د یادونې وړ ده چې څو ورځې وړاندې هم په ترکیه کې د کډوالو بېړۍ د ډوبېدو په پایله کې زیات شمېر افغان کډوالو خپل ژوند له لاسه ورکړی وو.
