د میدان وردګو د بدني روزنې او ورزش امریت چارواکي وایي چې په مرکز میدان ښار کې د ۹ ولایتونو په کچه د «ووشو» ورزشي سیالۍ پای ته ورسېدې. د یاد ولایت د بدني روزنې او ورزش امر ویلي، په دغه سیالیو کې چې یوه اونۍ یې دوام وکړ، د میدان وردګو په کوربه توب د کابل، خوست، لوګر، غزني، بامیان او ننګرهار ولایتونو لسګونه غوره ورزشکارانو ګډون کړی وو. نوموړی وايي، چې د یادو سالیو له جوړېدو یې موخه ووشو ورزش ته وده ورکول، د ورزشکارانو ترمنځ د تجربو شریکول او د ولایتونو په کچه د ووشو ورزش غوره لوبغاړو په نښه کول دي. د نوموړي په وینا، په پام کې ده چې ورته سیالۍ د میدان وردګو په یوشمیر ولسوالیو او مرکز کې هم جوړې شي.
