کندهار کې د افغاني سرې میاشتې ټولنې د نشراتو مسوول وايي چې د ارغستان ولسوالۍ کې یې د ٢٥٠ راستنو شویو کورنیو باندې ژمني توکي وېشلې دي. دغه کورنۍ تازه له پاکستان څخه په زور د افغان کډوالو د اېستلو بهیر کې د کندهار ارغستان ولسوالي ته را اړول شوې دي. په دې مرستو کې هرې کورنۍ ته یوه ترکي بخارۍ او ۵۰۰ کیلو د ډبرو سکاره ورکړل شوې دي. د نوموړي په وینا، یادې مرستې د ترکیې د سرې میاشتې په مالي ملاتړ وېشل شوې دي. کندهار کې د افغاني سرې میاشتې ټولنې د نشراتو مسوول زیاته کړه چې د افغاني سرې میاشتې ټولنې د ګرځنده روغتیایي ټیمونو ډاکټران او نور کارکوونکي راستنو شویو ته پر روغتیايي خدماتو بوخت دي.
