تونس ته نږدې په سمندر کې ۴۰ تنه کډوال ورک شوي

د تونس ملي ګارډ په یوې اعلاميې کې ويلي، ۴۰ کسان، چې له دغه هېواد څخه نورو هېوادونو ته په ناقانونه توګه روان وو، په سمندر کې تری تم شوي دي. اعلاميه وايي، ياد کسان د روانې مياشتې د ۱۰مې نېټې په ماسپښين د دغه هېواد له سفاکس ولايت څخه په کښتۍ کې د ايټاليا په لور روان شوي وو او اوس ورک دي. د ځايي رسنيو د راپورونو له مخې، د يادو ۴۰ کسانو خپلوانو له ځايي پوليسو څخه مرسته غوښتې وه، چې د دوی په موندلو کې ورسره همکاري وکړي او ژغورونکو په سمندر کې ورپسې لټون پېل کړی دی.