د پکتيا په ډنډ پټان ولسوالۍ کې خلکو په خپل شخصي لګښت په څلور میلیونه او ۵۰۰ زره افغانیو یو پُل جوړ او ګټېاخیستنې ته یې وسپاره. یاد پُل پرون د سیمو اوسېدونکو او چارواکو لهخوا ګټې اخیستنې ته سپارل شوی دی. د دغې ولسوالۍ اوسېدونکي وايي چې د ياد پُل جوړېدو لپاره ځانګړې کمېټه ټاکل شوې چې پر مټ یې د یادې سیمې او له هېواده بهر مېشتو مقبلو قوم مسافرو څخه یې ۴.۵ میلیونه افغانۍ راټولې کړې وې. د دوی په خبره، په راټولو شویو افغانیو یې دغه پُل جوړ او ګټېاخیستنې ته سپارلی دی. جوړ شوی پُل ۱۶ متره اوږدوالی او شپږ متره پلنوالی لري چې ۸۷۶ متره مکعب استنادي ديوال هم ورته جوړ شوی دی.
