برېښنا شرکت وایي چې هرات ولایت ته د ایران واردېدونکي برېښنا پرې شوې ده. د یاد شرکت په خبره، هرات ته د ایران له لوري راتلونکې ۱۳۲ کیلو ولټه برېښنا په دغه ولایت کې د برېښنا پر یوې پایې د هوان ګولۍ لګېدو له امله پرې شوې ده. برېښنا شرکت زیاته کړې، یو تخنیکي ټېم یې د یادې ستونزې هوارولو لپاره سیمې ته لېږلی دی او ژر به پرې شوې برېښنا بېرته وصل کړي. د یادونې ده چې افغانستان له ایران، تاجکستان، ازبکستان او ترکمنستان هېوادونو څخه شاوخوا اویا سلنه برېښنا واردوي خو په ټوله کې د افغانستان ۶۰ سلنه وګړي برېښنا ته لاسرسی لري.
- Trending
- Comments
- ورستی
