د امریکا د ملي امنیت پخوانی سلاکار جان بولټون چې په دې وروستیو کې یې یو کتاب هم په امریکا کې جنجالونه راوپارول له یوې اسپانوي ورځپاڼې سره یې په تازه مرکه کې ویلي چې ټرمپ د نړۍ په کچه تر ټولو بد اخلاق ولسمشر دی. نوموړي زیاته کړې، هغه هیڅ سیاسي فلسفه نه لري او د خپلو احساساتو پر بنسټ بېړنۍ پرېکړه کوي چې دده په خبره، دا د بې بندوباره او بې مسوولیته کسانو خاصیت دی. بولټون ویلي، که چېرته امریکایان غواړي نړۍ ته ونه شرمېږي او تر دې زیات په ستونزو کې ګیر پاتې نه شي نو باید راتلونکو ټاکنو کې خپل پراخ حضور سره ځان او امریکا له دې بلا څخه وژغوري.
