د ترانسپورت او هوایي چلند سرپرست وزیر د افغانستان لپاره د ایران ځانګړي استازي او سفیر حسن کاظمي قمي سره د دوه اړخیزو هوایي او ځمکني ټرانسپورټي اړیکو پر پراختیا خبرې کړې دي. د ټرانسپورټ او هوایي چلند وزارت ویلي، چې په دې کتنه کې په دوامداره ترانسپورتي همکاریو، د ځمکني او هوایي ترانسپورت کې اسانتیاوو رامنځته کولو او د ځمکني ترانسپورت له لارې ایران ته د افغانستان صادراتو په زیاتېدو خبرې وشوې. همداراز په دې کتنه کې د دواړو لورو ترمنځ د چابهار بندر له لارې د افغانستان سوداګریزو توکو د صادراتو او وارداتو په اړه هم خبرې اترې شوې دي.
