د چين مېډيا ګروپ د پسرلني اختر ماښامنۍ نندارې د هر کال د پسرلني اختر په مخکنۍ شپه کې د دغه اختر د نمانځنې لپاره تر سره کېدونکې هنري ماښامنۍ نندارې دي، چې په ۱۹۸۳کال کې یې لومړۍ دورې جوړې شوې او د روان کال تر پسرلني اختر پورې ۴۲دورې بلل شوې دي.
زما په يادونه کې له کوچنيتوب څخه زما د هر پسرلني اختر د مخکنۍ شپې وخت کې ما له کورنيو غړو سره يو ځای د جياو ځه په شمول ډوډۍ خوړلې، د پسرلني اختر ماښامنۍ نندارې کتلې. د ۴۲دورو پر له پسې د پسرلني اختر ماښامانۍ نندارې د هر اختر په مخکنۍ شپه کې د څو نسلونو چينايانو سره مل کړي او د پسرلني اختر په اړه د ټولو چينايانو په يادونه کې تر ټولو يوه مهمه برخه ده.
د دغې ماښامنۍ نندارې په ډګر کې د شياو پينګ، سندرې ويل، نڅا کول او ډول ډول هنري نندارې ليدل کېږي، چې د بېلا بېلو ځايونو هنرمندانو ته نندارې وړاندې کوي، د چين له خلکو څخه په زړه پورې ژوند او کيسې په ډګر کې په مختلفو هنري شکلونو يې ښودلي دي. د ټول چين نندارچيان د دغې ماښامانۍ نندارې په ترڅ کې په همدې وخت کې خندا کوي، زړه راپاروي. دغه يوه هنري شېبه ده، چې د ټولو چينايانو د راغونډولو عجيب ځواک لري.
په لسګونو کلونو کې د پسرلني اختر لپاره ماښامنۍ نندارې هم د عصري پرمختګ سره سره بدلونونه راغلي دي. د تېرې پېړۍ په اتمه او نهمه لسيزه کې ټلويزيون کوچنی او دروند و او په لومړي وخت کې يوازې سپين او تور رنګ درلود، وروسته رنګونه يې رامنځته شوي. په هغه وخت کې په زياتو کورونو کې ټلويزيون نه و، د يوې يا څو کورنۍ غړي سره يو ځای د يو ټلويزيون په وړاندې ماښامنۍ نندارې کتلې. په هغه وخت کې د پسرلني اختر د ډګر او پروګرامونو شکلونه اسانه و، خو د هنرمندانو صميميت او د نندارچيانو خوشالي له احساساتو څخه ډک و چې په روان وخت کې کلاسيک ويډيوګانې او اوازونه پاتې کړي دي.
د تېرې پېړۍ په نهمه لسیزه او له دوه زرم کال وروسته اقتصاد لا پرمختګ کړی دی، چې د ټلويزيون شکل هم ګام په ګام نرم و او په هر کور کې هر چا خپل ټلويزيون درلود. د پسرلني اختر لپاره د ماښامانۍ نندارې پروګرامونه ډېر رنګين و، چې د نندارې ډګر له بېجينګ څخه ټول هېواد ته پراخ شوی او د خلکو ژوند ته ډېر نژدې دی. د پسرلني اختر په مخکنۍ شپه کې د يوې کورنۍ ټول غړي سره يو ځای د نيکه ګانو، ځوانانو او ماشومانو لپاره مناسب پروګرامونه کتلی شي. ماشومان د هنري نندارې د کتلو په وخت کې پلرونو او ميندو، او نورو اجدادو ته د نوي کال مبارکي وړاندې کوي او د سرې کڅوړې پيسې تر لاسه کوي، دغه شېبه د ټولې کورنۍ د خوشالۍ وخت ګڼلی شو.
د زمانې په تېرېدو سره چټک تخنيکي اصلاحات هم راوړل شوي. يوويشتمې پېړۍ ته له داخل کېدو وروسته په څه باندې شلو کلونو کې د انټرنيټ پرمختګ له امله د رسنیو کلتور بدل او نوی کېږي. نندارچيان نه يوازې د ډیجيټلي ټلويزيونونو ، بلکې د انټرنيټ له لارې هم ماښانۍ نندارې کتلی شي. د چين مېډيا ګروپ د پسرلني اختر په پار ماښامانۍ نندارې د ټېکنالوژيو او پروګرامونو په ډيزاین کې په پر له پسې ډول نوښت کړی دی. د ۲۰۲۳کال د پسرلني اختر ماښامانۍ نندارې د( 4K\8K ) ټېکنالوژۍ کارولې، چې تصويرونه يې ډېر پاک و. نندارچيانو د انټرنيټ له لارې د دغې ماښامانۍ نندارې په اړوندو فعاليتونو کې په خپله ګډون کولی شي. د ۲۰۲۴م کال د پسرلني اختر په پار ماښامانۍ نندارې په دوامداره توګه د ټلويزيون، لويو سکرينونو او ګرځندو ټلیفونونو د هراړخيزو غوښتنو له لارې لوړې ټېکنالوژۍ استفاده کړې، چې تصويرونه د پخوا په پر تله به پاک وي، د نظريو، هنر او ټېکنالوژۍ په برخو کې هراړخيز نوښت به هم ټولو چينايانو ته ښکلې نندارې وړاندې کړي.
د پسرلني اختر په پار د ماښامانۍ نندارو په بدلونونو او پرمختګ کې د چين پرمختګ پروسه هم ليدل کېږي، د وخت په تېرېدو سره دغه نېکمرغه او ارامه شېبه د هر چينايي او نړيوال ګډه هيله او تمې دي. دغه ډول ماښامانۍ هنري نندارې به تل د نسل په نسل چينايانو ته د پسرلني اختر په مخکنۍ شپه کې وړاندې کړل شي او ټول چينايان به راغونډ کړي.