افغان او روسي چارواکو پر دوه اړخیزو اقتصادي مسایلو خبرې کړې

د روسیې د ولسمشر سلاکار روسلان ادلګریف کابل ته په سفر کې د صنعت او سوداګرۍ وزارت له سرپرست سره لیدلي دي. د صنعت او سوداګرۍ وزارت پر ټویټر پاڼه لیکلي چې نورالدین عزیزي او ادلګریف د سوداګریزو او ترانزیټي اړیکو، ترجیحي تعرفو، اسلامي بانکوالۍ، د ګډ اقتصادي کمېسیون پر بیا پېل، په افغانستان کې د روسیې پر پانګونې او په مسکو کې د افغانستان د دایمي سوداګریز مرکز په جوړولو بحث او خبرې کړې دي. په دې لیدنه کې په افغانستان کې چې د روسیې سفیر دیمیتري ژیرنوف هم حضور درلود، سرپرست حکومت ته بلنه ورکړل شوې چې د روسیې نړۍوال اقتصادي مجمع – اسلامي نړۍ په پنځلسمې غونډه کې ګډون وکړي.