د اذربایجان سفیر کابل کې له سرپرست وزیر سره لیدلي

په کابل کې د اذربایجان جمهوریت سفیر الهام محمدوف له سرپرست وزیر سره په لیدنه کې د سفارت پرانیستلو په اړه رسمي لیک د افغانستان د بهرنیو چارو وزارت سرپرست ته وړاندې کړی دی. په دې لیدنه کې د افغانستان او اذربایجان ترمنځ د ډیپلوماتیکو اړیکو پر پیل، اقتصادي همکاریو او ګڼو نورو موضوعاتو خبرې اترې شوې دي. د بهرنیو چارو وزارت سرپرست په کابل کې په لومړي ځل د اذربایجان د سفارت پرانیسته او د سفیر په کچه د ډيپلومات رالیږل دوو اړخیزو اړیکو مهم پرمختګ بللی دی او د بشپړې همکارۍ ډاډ یې ورکړی دی. دغه راز د اذربايجان سفير الهام محمدوف ویلي، چې اذربایجان د افغانستان حاکمیت او خپلواکۍ ته درناوی لري او د افغانستان په کورنیو چارو کې لاسوهنه نه کوي.