سبا او بل سبا دهیواد په ۳۰ ولایتونو کې د شدیدو ورښتونه اټکل شوی

د ترانسپورټ او هوایي چلند وزارت، د هوا پېژندنې ریاست د هیواد په ۳۰ ولایتونو کې سبا او بل سبا د شدیدو ورښتونو اتکل کړی دی. یاد ریاست د روانې کب میاشتې ۱۱ مه او ۱۲ مه نېټه، د سالنګونو په ګډون هرات، فراه، هلمند، کندهار، زابل، روزګان، دایکندي، غور، سرپل، بلخ، بامیان، میدان وردګ، غزني، پکتیا، پکتیکا، خوست، لوګر، ننګرهار، لغمان، کونړ، نورستان، بدخشان، تخار، کندوز، کابل، پروان، پنجشېر، کاپیسا، بغلان او سمنګان ولایتونو کې د واورې او بارانونو سربېره د شدیدو بادونو اټکل کړی دی. دا په داسې حال کې چې د هیواد په یو شمېر ولایتونو کې د تېرو دوه ورځو ورښتونو له امله ۹ تنه مړه او دوه نور ټپیان شوي دي.