د کانونو او پټرولیم سرپرست وزیر له یو شمېر چینايي پانګوالو سره کتلي دي. دغه وزارت پر ټویټر پاڼه لیکلي، چې په دې کتنه کې چینایي پانګوالو د سرپرست حکومت له لوري د پانګونې لپاره د مناسب چاپېریال له رمنځته کېدو خوښي ښودلې ده. دوی په افغانستان کې د مرمر ډبرو پر کانونو د پانګونې غوښتنه کړې ده. ویل کیږي، چې د کانونو سرپرست وزیر په افغانستان کې د پانګونې د شته فرصتونو په اړه د خبرو تر څنګ په هېواد کې د پانګونې په برخه کې د دوی له لېوالتیا هرکلی وکړ او د کانونو د قانون او طرزالعمل مطابق یې ورسره د همکاريو ژمنه وکړه.
