عزیزي: د افغانستان صادرات ۱۲۰ سلنه زیات شوي

د صنعت او سوداګرۍ سرپرست وزیر د ترکمن – افغان سوداګريز پیوستون کنفرانس د پرانیستې په مراسمو کې ویلي، چې افغانستان کې سرتاسري امنیت، د پروسو ساده کول او د اداري فساد له منځه وړل د افغانستان د اقتصادي ودې سبب شوي او د دې هېواد صادرات د تېرو دوو کلونو په پرتله ۱۲۰ سلنه زیات شوي دي. نورالدین عزیزي زیاته کړې؛ سرپرست حکومت وکولی شول، چې په کمه موده کې په دوه اړخیز تعامل او د سوداګرۍ، ترانزیټ، پانګونې او نورو برخو کې فعاله ونډ واخلي.