ايټالیا: سرپرست حکومت سره په بېلابېلو برخو کې همکاریو ته چمتو یو

کابل کې د ایټالیا سفیرې نتالیا کوینتاویل د سرپرست حکومت له اداري مرستیال سره په لیدنه کې د افغانستان بشپړ امنیت او د سرپرست حکومت لاسته راوړنې ستایلي او ویلي یې دي، چې ایټالیا په افغانستان کې د بېلا بېلو پروژو د عملي کولو غوښتنې ترڅنګ د روغتیا، اوبو او حفظ الصحې او دوه اړخیزو اړیکو په برخو کې همکارۍ ته چمتو ده. ورته‌مهال د ریاست‌الوزرا اداري مرستیال په دې لیدنه کې ویلي، چې سرپرست حکومت د تعامل او متقابل درناوي پر بنسټ د اروپایي او د نړۍ له نورو هیوادونو سره د نېکو اړیکو غوښتونکی دی او هېچا ته به اجازه ور نه کړي، چې د افغانستان خاوره د نورو هیوادونو د امنیت پر خلاف وکاروي.