د کابل ژوبڼ مسوولین وايي، چې په تېر یوه کال کې تر شپږ زرو زیاتو سیلانیانو له دغه ژوبڼ څخه لیدنه کړې ده. د کابل د ژوبڼ د رییس په وینا، تر اوسه دوی توانېدلي چې په یاده موده کې څه باندې ۱۷ میلیونه افغانۍ عواید ترلاسه کړي. په ورته وخت کې د کابل ژوبڼ یو شمېر لیدونکي د دغه تفریحي ځای له شتون او امنیت له ټینګښته یې د خوښۍ څرګندولو ترڅنګ له سرپرست حکومته غوښتي چې د هېواد په نورو ولایتونو کې هم تفریحي ځایونه جوړ کړي. د یادونې وړ ده چې د کابل ژوبڼ په ۱۳۴۶ کال د ظاهرشاه حکومت پر مهال کې تاسیس شوی او یو وخت د اسیا په کچه تر ټولو لوی ژوبڼ و.
