په ترکیه کې د ښاروالۍ د پرونیو ټاکنو د لومړنیو پایلو له مخې، د ترکیې د اپوزیسیون عمده ګوند پر کلیدي ښارونو کنټرول ترلاسه کړی او په ټاکنو کې پراخې لاسته راوړنې لري. د څه باندې ۸۰ سلنه شمېرل شویو رایو له مخې، ترکانو په دغو ټاکنو کې اپوزیسیون د سیاسي ځواک په توګه مطرح کړی او د راروان عمده سیاسي رقیب په توګه یې د استانبول د ښاروال اکرم امام اوغلو ملاتړ کړی دی. د شمېرل شویو رایو له مخې، د پلازمېنې انقرې ښاروال منصور یاواش پر خپله څوکۍ پاتې دی او له عمده رقیب یې د رایو د توپیر فیصدي یوازې ۲۵ ده.
