د ماشومانو د ملاتړ لپاره د ملګرو ملتونو مرستندوی صندوق یا یونیسف وايي، په فبروري میاشت کې دوی په افغانستان کې له څه باندې ۲۸۰۰ کورنیو سره مالي مرسته کړې ده. د دې ادارې د افغانستان څانګې پرون پر خپله ټویټر پاڼه لیکلي چې د نغدو پیسو مرسته له کورنیو سره دا مرسته کوي، چې دوی خپله د خپلو شرایطو په چوکاټ کې د خپلو اړتیاوو پوره کولو لپاره پرېکړه وکړي. د دې ادارې په وینا، له دغو سلګونو کورنیو سره د نغدو پیسو مرسته د دې لپاره شوې چې دغه کورنۍ خپلې ورځنۍ اړتیاوې ورباندې پوره کړي.
