د بیجېنګ د موټرو اتلسم نړيوال نندارتون اوس په پراخ هرکلي او لېوالتيا سره روان دی او د نوې زمانې او نويو موټرو تر عنوان لاندې په نندارتون کې د موټرو توليدولو مشهور نړيوال شرکتونه د نوې انرژۍ خپلو موټرونو ښودنه کوي.
د سي اې ټي ال(CATL) په نوم د چين بيترۍ توليدولو شرکت د بورډ کمېټې مشر ځنګ يو چون د پورسچي (PORSCHE)شرکت له لومړي اجرائيوي مشر وليوير بلومي سره په دغه نندارتون کې له نژدې خبرې اترې وکړې. ښاغلي ځنګ يو چوی هيله څرګنده کړه چې د پورسچي موټر په چين کې خپلې بيې ټيټې کړي، ښاغلي وليوير بلومي هيله لري، چې CATL شرکت د پورسچي نوې انرژۍ موټرو ته لا ارزانه بيټرۍ برابرې کړي.
ټولو ته د ګټو رسول د نړيوالې سوداګرۍ اصلي بڼه ده. که دا چڼې وهل بريالی شي، نو دواړو تصديو او مصرف کوونکو ته به واقعي ګټې ورسول شي او نړيوال اکمالاتي ځنځير به ثابت شي. د مسلکي نظر له مخې، د نوې انرژۍ موټرو مختلف برنډونه مخکې له مخکې يو له بل سره ژورې همکارۍ کړي دي، زما په موټرو کې ستا پرزې پيدا کېږي او ستا په توليداتو کې زما ټکنالوژۍ سمبال دي. نو د امريکا دا نظريه بيخي له سياسي رنګه ډکه او ډېره مسخره هم ده چې وايي د چين د برېښنايي موټرو توليدي اندازه له اړتياوو ډېرې زياتې دي.
د اړوندو تدريسي کتابونو له مخې، اضافي توليدي توان دا مانا لري چې د توليدولو توان پوره استفاده کېږي او توليدي اندازه يې له ټولنيزو اړتياوو څخه ډېرې زياتې دي. که چېرې د چين د نوې انرژۍ موټرو د توليدولو اندازه د بازار له اړتياوو څخه زياته شوې وي، نو د نړۍ په بېلابېلو بندرونو او د موټرو په پلورځيو کې دې د چين له موټرو څخه ډک وي.
په حقيقت کې په ۲۰۲۳م کال کې د چين د BYDشرکت د ATTO3 په نوم برېښنايي موټر د برېټانيا د نيوز شرکت لخوا تر ټولو ښه برېښنايي موټر په توګه انتخاب شوی، د ټايلنډ په رايونګ (Rayong) کې د ORA شرکت د CAT په نوم برېښنايي موټرو توليدي کارونه پيل شوي، د SKYWORTH او MG په نوم د چين دوو برنډونو برېښنايي موټر په ترکيه کې تر زياتې اندازې پلورل شوي دي. د شمېرنې له مخې، په ۲۰۲۳م کال کې د چين د نوې انرژۍ موټرو د توليدولو او پلورلو شمېر په جلا جلا توګه ۹ميلیونه ۵۸۷زره او ۹ميليونه ۴۹۵زرو ته رسېدلي، چې په مسلسلو نهو کلونو کې يې د نړۍ لومړي مقامونه نيولي دي. په همدې کال کې بهر ته د صادر شويو نوې انرژۍ موټرو شمېر ۱ميليونه ۲۰۳ ته رسېدلی، چې د وړم کال په پرتله ۷۷اعشاريه ۶سلنه زيات شوی. رښتينی حالت دا دی چې په چين کې د نوې انرژۍ موټرو د توليدولو او پلورلو اندازه دواړه د زياتېدو په حال کې دي او ډېر هېوادونه د چين د نوې انرژۍ موټرو ته لېوالتيا لري.
امريکا پر چيني حکومت نيوکه کړې، چې د نوې انرژۍ موټرو توليدولو چارو ته زياتې مالي مرستې برابروي. خو په ياد نندارتون کې د چيني برنډ د نوې انرژۍ موټر له مشهورو نړيوالو برنډونو سره سيالي کوي، له شلو کلونو مخکې دغه حالت کټ مټ له تصور وتلی و. دا شونتيا بيخي نشته که وايي، د نوې انرژۍ موټرو توليدي چارې يوازې د حکومت د مالي مرستې په اتکا چټک پرمختګ کولی شي. چين په نړۍ کې تر ټولو لوی بازار لري چې پکې تر ټولو تيزه سيالي هر وخت روانه ده. دغه هېواد د بازاري اصولو له مخې په نړۍ کې داسي توليدي او اکمالاتي ځنځيرونه جوړ شوي چې د سيالۍ تر ټولو قوي توان لري. دا د چين نوې انرژۍ موټرو د برياليتوب اصلي لامل دی.
په چين کې د سوداګرۍ نړيوال سازمان د اصولو او بازاري اصولو پر ضد مالي مرستې نه شته. خو د امريکا حکومت د نوې انرژۍ د موټرو په شمول د نوې او عالي ټکنالوژۍ چارو د پرمختګ په موخه د انفلاسيون کمولو قانون تصويب کړ چې له مخې يې د شاوخوا ۳۶۹ميليارد ډالرو په اندازه مالي مرسته برابرېږي. دغه قانون د نړۍ د اکثرو هېوادونو د ناخوښۍ سبب شوی دی.
ټولو ته د ګټو رسول په نړۍ کې د ازادې سوداګرۍ د سمسورتيا د ساتلو لپاره د اهميت وړ دي. امريکا په څرګنده توګه دا غواړي چې يوازې ځان ته ګټې راوړي، خو نورو ته دا اجازه نه ورکوي. شک نشته چې پخوا امريکا د توليدي چارو د نړيوال ځنځير نژدې هره کړۍ کنټرول کړی او په دې بهير کې يې په اسانه توګه ګټې تر لاسه کړې دي. خو اوس حالت بدل شوی، که امريکا غواړي د نوې انرژۍ موټرو توليدولو په ساحه کې لارښوونه وکړي، بايد د ځان د نوښت او هلو ځلو په اتکا دا موخې ته ځان ورسوي. دا هېڅ رول نه لري، چې د چين نوې انرژۍ موټرو د توليدي توان په اړه ګونګوسې وپاروي.
