د صنعت او سوداګرۍ وزارت مسوولین وايي، چې د تېر ۱۴۰۲ کال پر مهال له افغانستانه د نړۍ بېلابېلو هیوادونو ته د ۱۷ میلیونه او ۴۳۸۰ امریکایي ډالرو په ارزښت قالینې صادرې شوې دي. د یاد وزارت د صنعتي پارکونو عمومي رییس عبدالمجید قيام په کندهار کې د «وطن تولید د وطن ویاړ» په نوم د کورنیو تولیداتو د یو جوړ شوي نندارتون پر مهال زیاته کړې، چې تیر کال ۳۱ هیوادونو ته ۹۹۴ زره او ۵۷۵ متره مربع غالۍ د څه کم ۱۷ میلیونه ډالرو په ارزښت صادرې شوې دي. د یادونې ده، چې پرون په کندهار کې کورنیو تولیداتو ته د بازارموندنې په موخه د «وطن تولید د وطن ویاړ» په نوم نندارتون پرانیستل شوی، چې ټاکل شوې درې ورځې به دوام وکړي.
