د چين د دولت رئيس شي جين پينګ د مې د ۶مې نېټې په سهار په بلنې سره د پاريس په يليسي ماڼۍ کې د فرانسې له ولسمشر ايمانويل مکرون او د اروپايي ټولنې له رئيسې اورسوله ون درلين سره د چين، فرانسې او اروپا د مشرانو تر منځ درې اړخيزه ناسته وکړه.
شي جين پينګ دې ته په اشارې سره چې چين له اروپا سره خپلې اړيکې تل له ستراتيژيکي او دايمي لحاظه کتلې او له لويو هېوادونو سره د ځانګړو ډيپلوماتيکو اړيکو د جوړولو او چيني شکله عصري کېدو بهير د تر سره کولو په برخو کې اروپا مهم همکار ګڼي. هغه هيله څرګنده کړه چې د چين او فرانسې، د چين او اروپا اړيکې يو د بل هڅونه وکړي او ګډ پرمختګ ومومي. ده زياته کړه، چې اوسنۍ نړۍ د بدلون په حال کې ده، خو چين او اروپا بايد د نړۍ د دوو مهمو ځواکونو په حيث پر خپلمنځي همکاريزو اړيکو ټيڼګار وکړي، ډيالوګ او همکاريو ته دې دوام ورکړي، ستراتيژيکي تماسونه دې ژور کړي، متقابل باور دې زيات کړي، ستراتيژيکي اجماع دې پياوړې کړي، ستراتيژيکي همکارۍ دې پراخې کړي او د چين او اروپا تر منځ د اړيکو ثابت او سالم پرمختګ دې وهڅوي او د نړۍ سولې او پرمختګ لپاره دې نوي خدمتونه وکړي.
شي جين پينګ پر دې ټینګار کړی، چې د چين او اروپا تر منځ اړيکې ستر داخلي محرکه ځواک او پراخه توسعه لرونکې راتلونکې لري او د هېڅ درېيمې خوا په د هېڅ درېمې خوا پرضد نه دي، پرهېڅ درېيمې خوا تکيه نه کوي، د هېڅ درېيمې خوا تر کنټرول لاندې نه دي. هېله ده چې اروپايي ټولنه چين ته په سمه توګه وګوري، د چين په هکله فعالې تګلارې غوره کړي. دواړه خواوې بايد د يو بل مرکزي ګټو او مهمو پاملرنو درناوی وکړي، د چين او اروپا تر منځ د اړيکو سياسي بنسټ او د نړيوالو اړيکو بنسټيزو اصولو ساتنه وکړي. دواړه خواوې بايد د چين او اروپا د مشرانو تر منځ کتنه په ښه توګه تر سره کړي، د ستراتيژۍ، اقتصاد او تجارت، زرغون پرمختګ او ډجيټلي ډيالوګ، د توليدولو او برابرولو لپاره ثابت او اعتماد وړ ځنځير جوړولو په شمول ساحو کې دوستانه اړيکې جوړې کړي. بايد چين ته د اروپايي هېوادونو د خلکو د ويزې لغوه کولو تګلارې په سمه توګه تطبيق شي او چين ته د اروپايانو د راتلو لپاره اسانتياوې جوړې شي، د دواړو خواوو د خلکو تر منځ تګ راتګ دې پياوړی شي، د تعليم او د ساينس او څيړنې په ساحو کې دې همکارۍ زياتې شي، د چين او اروپا تر منځ د اړيکو لپاره دې د خلکو د ملاتړ بنسټ او د عامو افکارو چاپيريال تامين شي.
شي جين پينګ دغه راز دې ته په اشارې سره چې چين د نوې انرژۍ په توليدي چارو کې پرمختللي توان استازيتوب کولی ش ویلي چې چین نه يوازې نړيوالو ته عرضې زياتوې، بلکې د نړيوال انفلاسيون فشار کموي، دغه راز يې د اقليمي بدلون د حلولو او د زرغون پرمختګ په چارو کې سترخدمتونه تر سره کړي دي. نړيوال بازار ته په کتو، هغه مسئله موجوده نه ده چې د تش په نامه د چين د برېښنايي موټرو د توليدولو اندازه له اړتیا څخه زياته ده. د چين او اروپا تر منځ د همکارۍ اصلي بڼه د ګډو ګټو تر لاسه کول دي، دواړه خواوې د زرغون پرمختګ او د ډجيټلي شکل د بدلون په چارو کې پراخې ګډې ګټې او د همکاريزۍ فضا لري، بايد د خبرو اترو له لارې اقتصادي اوتجارتي جنجال حل کړي او د دواړو خواوو معقولو پاملرنو ته دې په درنه سترګه وګوري.
د فرانسې ولسمشر ايمانويل ماکرون وويل، چې روان کال د چين او فرانسې تر منځ د اړيکو د جوړېدو له ۶۰کليزې سره برابر دی او د دواړو هېوادونو تر منځ په همکاريو کې زياتې مهمې لاسته راوړنې تر لاسه شوې دي. هغه ډېره خوشحالي څرګنده کړه فرانسې څخه د ده د درېيم ځل سفر په ترڅ کې د چين، فرانسې او اروپا د مشرانو تر منځ درې اړخيزه ناسته شوې ده. دا د دريواړو خواوو تر منځ پخوانیو کتنو ته دوام دی او د نړيوالو ننګونو په مقابل کې بيړنۍ غوښتنه هم ده. اوسنۍ نړۍ له زياتو سختو ننګونو سره مخ ده او نړيوال حالات د بدليدو په کليدي پړاو کې دي، فرانسه او اروپايي ټولنه د پخوا په مقايسه ډېر غواړي له چين سره همکارۍ پياوړې کړي او دا د اروپا له راتلونکې سره تړاو لري. فرانسه هېله لري چې له چين سره ډيالوګ او همکارۍ پياوړې کړي، د فرانسې او چين، د اروپا او چين د مشرانو تر منخ باور او دوستي به پياوړې شي. اروپا له چين سره د اقتصادي اړيکو پرې کولو له نظر سره موافقه نه کوي او هرکلی کوي، چې د چين تصدۍ په اروپا کې پانګونه وکړي او هېله لري چې له چين سره همکارۍ ټينګې کړي او په ګډه د اروپا د عرضې ځنځير د ثابتوالي ساتنه وکړي.
د اروپايي ټولنې له رئيسې اورسوله ون درلين وويل، چې د اروپا او چين تر منځ اړيکې د ښه کېدو په لوري کې دې او راتلونکی کال به د اروپايي ټولنې او چين تر منځ د سياسي اړيکو د جوړېدو له ۵۰مې کليزې سره برابره وي. چين په نړيوالو چارو کې مهم رول لوبوي او له چين سره د ښو اړيکو ساتل د اروپايي ټولنې لپاره ډېر مهم دي او دا د اقليمي بدلون او د اوکراين بحران په شمول له نړيوالو ننګونو سره مقابله کې مهم دي. اروپايي ټولنه هيله لري چې له چين سره متقابل احترام احترام پر بنسټ اړیکې ولري، د توپيرونو په موجوديت سره ګډې ګټې ولټوي، متقابل باور پياوړی کړي، غلطې پيژندنې کمې کړي، په ګډه د نړيوال قانون پر بنسټ ولاړ نړيوال نظم ساتنه وکړي، د نړيوالې سولې، خونديتوب او سمسورتيا هڅونه وکړي. اروپا د زرغون پرمختګ په بدلو کې د چين د هلو ځلو او لاسته راوړنو ستاينه کوي او د ځان د پرمختګ لپاره د چين له عادلانه حقونو سره موافقه کوي او هيله لري، چې له چين سره صميمي خبرې اترې وکړي او همکارۍ پياوړې کړي.
شي جين پينګ د اوکراين بحران په هکله وويل، چې چين، قرانسه او اروپا درېواړه هيله لري، چې ژر تر ژره اوربند وشي، په اروپا کې سوله بيا رامنځته شي او له سیاسي لارو د اوکراين بحران له حل څخه ملاتړ کوي. هغه زياته کړه، چې موږ بايد د جګړې د نورې پراخېدو او سختېدو مخه ونيسو، د خبرو اترو لپاره شرايط جوړ کړو، د نړيوالې انرژۍ، د خوراکي توکو د خونديتوب او د توليدي ځنځير د عرضې د ثابتوالي ساتنه وکړو. چين د اوکراين د بحران جوړونکی نه دی او نه په دغه بحران کې ښکیل دی او د خبرو اترو لپاره هلې ځلې کوي. د چين عادلانه دريځ او مثبت رول د نړيوالې ټولنې لخوا په پراخه توکه منل شوی دی. چين غواړي له اړوندو خواوو سره تماسونه وساتي.
شي جين پينګ د فلسطين او اسرائيل تر منځ د شخړو په هکله وويل، چې دا ضروري ده چې ژر تر ژره هراړخيز اوربند رامنځته شي او د بشري مرستې لاره دې تامين شي، اصلي طريقه دا ده چې بايد د دوو هېوادونو د موجوديت لايحه تطبيق شي. چين د فلسطين پلويتوب کوي، چې د ملګرو ملتونو رسمي غړی وګرځي. چين او اروپا د فلسطين او اسرائيل په مسئله کې زيات مهم ګډ نظرونه لري. چين هيله لري چې له اروپا سره يو ځای د سولې نړيواله غونډه تر سره کړي او د دوو هېوادونو د موجوديت لايحې د تطبيق مهالويش جوړ کړي تر څو د فلسطين مسئلې د هراړخيز، عادلانه او دايمي حل پيدا شي.
درېواړه مشران دا نظر لري، چې دغه درې اړخيزه ناسته به متقابل تفاهم زيات او د همکاريو ګډې نظريې راغونډ کړي او د ګن شمېر مسئلو حلولو لارې يې روښانه کړې او غواړي په ګډه هلې ځلې وکړي چې د چين او اروپا تر منځ اړيکې په سالمه توګه پرمختګ ومومي.
