د چين د دولت رئيس شي جين پينګ د مې د نهمې نېټې په سهار د بوداپست په ولسمشرۍ ماڼۍ کې د هنګري له ولسمشر سوليوک تاماس سره خبرې اترې وکړې.
شي جين پينګ په دې ليدنه کې دې ته په اشارې سره، چې هنګري له هغو لومړيو هېوادونو څخه و چې نوی چين يې په رسميت پېژندلی دی. د ډيپلوماتيکو اړيکو له ټينګېدو راهيسې، چين او هنګري تل يو بل ته درناوی کړی او يو له بل سره يې د برابرۍ پر بنسټ تګ راتګ کړی. اوس مهال د چين او هنګري اړيکې د تاريخ په تر ټولو ښه دور کې دي، دوديزې دوستۍ د خلکو په زړونو کې ژورې ريښې لري او په بېلا بېلو ساحو کې يې ګټورې همکارۍ تر سره کړې دي. سږ کال د چين او هنګري ترمنځ د ډيپلوماتيکو اړيکو د ټينګېدو له ۷۵مې کاليزې سره برابر دی، چين غواړي له هنګري سره د دوديزې دوستۍ د ټينګښت، د متقابل سياسي اعتماد د ټينګولو، د متقابلو ګټورو پر بنسټ همکاريو د پياوړتيا او د خپلمنځي اړيکو د لا ټينګښت لپاره ګډ کوښښ وکړي.
شي جين پينګ پر دې ټينګار وکړ چې دواړه خواوې باید ارزښتناکې تجربې راغونډې کړي او د پرمختګ لاره په ګوته کړي. هغه وويل، چين او هنګري دې لومړی يو له بل سره پر مساوي چلند ټینګار وکړي، د خپل هېواد له واقعي حالاتو سره سمه انکشافي لاره وټاکي، خپل راتلونکی او برخلیک په کلکه په خپل لاس کې کنټرول کړي. د چين او هنګري تر منځ تلپاتې دوستي نه يوازې د کومدرېيم لوري پر ضد نه ده، بلکې د چا له خوا بهمحدوده هم نه وي. دوهم، دواړه هېوادونه دې متقابل اعتماد او مرستو ته غاړه کیږدي، تل دې د حاکمیت، امنیت او پرمختیایي ګټو په ساتنه کې یو له بله ملاتړ وکړي. درېيم، دواړه اړخونه دې د ګډو ګټو پر بنسټ د ګډې بريا اصل ته غاړه کېږدي، د کمربند او لارې د ګډې ابادۍ په چوکاټ کې دې په بېلا بېلو ساحو کې همکارۍ پراخې کړي او د اړوندو پرمختيايي ستراتيژيو د ګړندي کولو په برخه کې دې لاسونه سره يو کړي. څلورم، دواړه خواوې دې عدالت ته غاړه کیږدي، د تاریخ په سم اړخ کې دې ودریږي او د انساني سولې او پرمختګ لپاره دې مثبتې هلې ځلې وهڅوي.
شي جين پينګ پر دې ټينګار وکړ چې چين په هراړخيزه توګه د يو پياوړي هېواد د ابادۍ پلان او د چيني شکله عصري کولو بهير پرمخ وړي چې نړۍ ته به ستر انکشافي فرصتونه برابر کړي. چين دا هرکلی کوي چې هنګري د چين له پرمختيايي بهير څخه ګټې واخلي او ګډ پرمختګ ومومي. چين به له هنګري سره د سياسي متقابل اعتماد ژورتيا ته دوام ورکړي، د چيني شکله عصري کېدو بهيراو ختيځ ته د ورخلاصونپه نوم د هنګرۍ ستراتيژۍ نښلول به پرمخبوزي،خپلمنځي عملي همکاريز امکاناتبه پيدا کړي، او په مختلفو برخو کې خپلمنځي تبادلې او تګ راتګ بهزيات کړي. چين به د کمربند او لارې د ابادۍ او چين-مرکزي او ختيځې اروپا د همکارۍ سمه لاره هواره کړي، او له هنګري سره به د همکارۍ پياوړتيا او ژورتيا ته دوام ورکړي. هغه هيله هم څرګنده کړه چې هنګري به د روان کال په دوهمې نيمايي کې د اروپايي ټولنې د نوبتي رئيس هېواد په توګه د چين او اروپا تر منځ د اړيکو د ثابت او سالم پرمختګ لپاره هڅې وکړي.
ولسمشر سوليوک تاماس د ملاقات پر مهال ويلي، سږ کال د هنګري او چين ترمنځ د ډيپلوماتيکو اړيکو د ټينګېدو له ۷۵مې کاليزې سره برابر دی. د ډيپلوماتيکو اړيکو له ټينګېدو راهيسې، دواړو هېوادونو تل د متقابل درناوي او اعتماد په ساتنې سره د دوه اړخيزو اړيکو برخه کې وده او پرمختګ کړي دي. په ۲۰۱۷م کال کې د دواړو هېوادونو تر منځ د هراړخيزو ستراتيژيکو همکاريزو اړيکو له جوړېدو راهيسې، د بېلا بېلو ساحو په دوه اړخيزو همکاريو کې ډېر برياليتوبونه رامنځته شوي دي. هنګري د کمربند او لارې د ابادۍ وړانديز له امله له رئيس شي جين پينګ څخه مننه کوي، ځکه دغه هېواد په بنسټيزو تاسيساتو او نورو برخو کې له دغه وړانديز څخه ګټې اخيستې وې. رئيس شي جين پينګ د نړيوال پرمختګ، نړيوال امنيت او نړيوال تمدن وړانديزونه وړاندې کړې، د نړيوال ډيالوګ او همکارۍ د پياوړتيا نظر يې هم بيان کړی، او دا ټول د اوسنۍ نړۍ پر وړاندې د بېلا بېلو ننګونو د حل او د ډلبندۍ د مخنيوي لپاره ستر اهميت لري، هنګري يې ډېره ستاينه کوي. له چين سره د همکارۍ پياوړتيا د هنګري ټاکل شوې تګلاره ده. هنګري د دواړو هېوادونو د انکشافي ستراتيژيو نښلولو او د هنګري او صربيا تر منځ پټلۍ ابادولو ته سترګې په لار دی. هنګري باور لري چې د رئيس شي جين پينګ تاريخي سفر به خامخا د دواړو هېوادونو تر منځ هراړخيزې ستراتيژيکې همکارۍ نوې او لوړې کچې ته ورسوي. چين د زرغونو صنايعو او پاکې انرژۍ په برخه کې عصري ټکنالوژي او ګټورې تجربې لري، هنګري د لا زياتو چيني شرکتونو هرکلی کوي چې په دغه هېواد کې پانګونه وکړي. هيله ده چې دواړه خواوې د هنګري او چين د دوو ژبو ښوونځی او کنفوسيوس پوهنځی په ښه توګه اباد کړي او د دواړو خواوو تر منځ کلتوري او ژبنۍ تبادلې او همکارۍ پياوړې کړي.
د چين د کمونېست ګوند د مرکزي کميټې د سياسي بيورو دايمي غړي څای چي او د بهرنيو چارو وزير وانګ يي هم په دې ملاقات کې ګډون کړی و.
(ژباړه: شکريه)
