لغمان کې د ترافیکي پېښې له امله ۶ کسانو ته مرګ ژوبله اوښتې

په لغمان ولایت کې د ترافیکي پیښې له امله شپږو کسانو ته مرګ ژوبله اوښتې ده. د لغمان د امنیې قومندانۍ ویاند یونس یوسفزي ویلي چې، تېر ماښام اووه نیمې بجې د کابل – جلال‌اباد په لویه لار د لغمان خیروخېلو سیمه کې بار وړونکي موټر او ویکسار ډوله موټر سره ټکر کړی چې، له امله يې پنځه تنه مړه شوي او یو بل ټپي دی. یوسفزي ویلي چې یاده پېښه د موټرچلوونکو د بې احتیاطۍ له امله رامنځته شوې ده.