د چين دولت رئيس شي جين پينګ د مې د ۳۰مې نېټې په سهار په پلازمېنې بېجينګ کې د چين او عربي هېوادونو د همکارۍ فورم د وزيرانو په ۱۰مې غونډې کې ګډون او وينا کړې ده.
د چين او عربي هېوادونو ترمنځ د عملي همکاريو د پياوړتيا په پار د ۸ ګډو عملياتو پلان، چې رئیس شي جين پينګ د دواړو اړخونو د لومړۍ سرمشريزې په ترڅ کې وړانديز کړی و، مهم برياليتوبونه ترلاسه کړي دي.
نوموړي ويلي، چين به د ياد پلان پر بنسټ له عربي هېوادونو سره ۵ همکاريز چوکاټونه جوړ کړي او د دواړو اړخونو د ګډ برخليک ټولنې د جوړولو بهير به لا چټک او ګړندی کړي.
شي جين پينګ د چين او عربي هېوادونو ترمنځ ۵ همکاريز چوکاټونه داسې ښودلي دي:
۱. د نوښت د هڅولو لپاره لا ځواکمن چوکاټ
۲. د پانګونې او مالي چارو پراخ چوکاټ
۳. د انرژۍ لا هراړخيز همکاريز چوکاټ
۴. د متقابل تجارت لوی متوازن چوکاټ
۵. د کولتوري تبادلې او تګ راتګ لا پراخ چوکاټ
(ژباړه: شکريه)
