افغانستان کې د امریکا جنګي جنایتونه؛ امریکا د جرمونو نړیوالې محکمې پر غړو بندیزونه لګولي دي

امریکا د جرمونو د نړیوالې محکمې پر ځینو غړو تازه بندیزونه وضع کړي دي. د امریکا د بهرنیو چارو وزیر مایک پمپیو وایي چې ددغه محکمې پر څارنوالې فاتو بنسودا او ځینو نورو غړو بندیزونه وضع شوي دي. دده په خبره یادې محکمې غوښتل په افغانستان کې د امریکا پر کړنو څېړنې وکړي او دا د امریکا له داخلي قوانینو سره په ټکر کې عمل دی. د جرمونو نړیوالې محکمې غوښتل په افغانستان کې د طالبانو، امریکايي ځواکونو او افغان پوځيانو د جنګي جنایتونو په اړه پلټنې وکړي، خو دې کار د امریکا غبرګون وپاراوه. اوس امریکا ویلي هغه کسان او ادارې چې له فاتو بنسودا سره په دې برخه کې همکاري وکړي له بندیزونو سره به مخ او په تور لېست کې به شامل شي. په دې بندیزونو کې د سفرونو محدودیت او د شتمنیو کنګلول شامل دي.