د کنګل شوې شتمنۍ پر ازادولو د افغان لوري او امریکا ترمنځ پرمختګونه رامنځ ته شوي دي. رویټرز د خپلو باوري سرچینو په حواله لیکلي چې د امریکا او افغان لوري ترمنځ د مرکزي بانک د کنګل شوې شتمنۍ پر آزادولو بحثونه پراخ شوي دي او دواړه لوري د پرمختګونه خبره کوي.
تر څنګ یې دې مسئلې ته نږدې کسان وایي چې د پرمختګونو تر څنګ د دواړو لورو ترمنځ ژور اختلافات هم د یادولو وړ دي. دوی وایي امریکا ددې غوښتونکې ده چې مرکزي بانک باید یو درېیم لوری مدیریت کړي نه د اوسني حکومت نږدې سیاسي کسان چې ځینې یې آن د نړیوالو په تور لېست کې هم دي.
دوی د مرکزي بانک مستقلانه فعالیت غواړي او په دې برخه کې د شفافیت د تظمین خبره کوي. خو ددې هر څه تر څنګ لا هم د افغان لوري او امریکا ترمنځ خبرې روانې دي او دواړه لوري پایلې ته د رسېدو هڅه کوي. امریکا په دې تړاو له خپلو نړیوالو شریکانو سره هم په خبرو بوخته ده.
