امریکا:ایران او روسیې سر له اوسه په ټاکنو کې مداخله پيل کړې ده

د امریکا په ټاکنو کې د ایران او روسیې د مداخلې ادعا شوې ده. د امریکا د ملي امنیت مشر جان رتکلیف په یوه خبري غونډه کې ویلي دي چې ایران او روسیې سر له اوسه د امریکا په راتلونکو ولسمشریزو ټاکنو کې د مداخلې هڅې پيل کړې دي. دده په خبره دوی د رایو ورکوونکو اطلاعاتو ته لاسرسی پیدا کړی دی او ځینو رایې ورکوونکو ته یې ګواښوونکي ایمیلونه لېږلي دي. امریکا دغه راز وایي چې ایران او روسیه غواړي د امریکا په ټاکنو کې لاسوهنه وکړي او دا به د امریکا له جدي غبرګون سره مخ شي. تر دې وړاندې هم امریکا ویلي وو چې ښایي روسیه د امریکا په ولسمشریزو ټاکنو کې د سایبري بریدونو هڅه وکړي او دا به د ټاکنو پر پایلو اغېز ولري.