امریکا له فلسطین سره د بشري مرستو لړۍ بېرته پيل کړې ده

دغه لړۍ د ډونالډ ټرمپ له لوري درول شوې وه خو جو بایډن بېرته له فلسطینیانو سره د امنیتي او بشردوستانه مرستو لپاره د ۲۵۰ میلیونه ډالرو ورکړه تایید کړې ده. په دغه مرسته کې ۷۵ میلیونه ډالر د اقتصادي ودې لپاره کارول کېږي او ۱۰ میلیونه ډالر به د سولې د ترویج او پوهاوي په موخه لګول کېږي. تر څنګ یې ۱۵۰ میلیونه ډالر له فلسطیني بيځایه شوو سره د مرستې لپاره لګول کېږي. دغه مرستې د امریکا پخواني ولسمشر ډونالډ ټرمپ لغوه کړې وې، خو ولسمشر بایډن له سره پيل کړې دي او ویلي یې دي چې له فلسطیني وګړو سره به خپلو مرستو ته ادامه ورکوي.