امریکا کې؛وسله وال برید کې درې کسه وژل شوي دي

امریکا کې په یوه وسله وال برید کې درې کسه وژل شوي او څو نور ټپیان دي. د راپورونو له مخې پېښه د تکزاس ایالت په هیوسټن ښار کې شوې ده. رسنۍ وایي چې تېره شپه ناوخته وسله وال یوه کلب ته ننوتل او پر خلکو یې ډزې وکړې. په پېښه کې درې کسه وژل شوي دي او ګڼ نور ټپيان دي. تر دې دمه معلومات نشته چې وسله وال څو کسه وو او ولې یې پر دغه کلب برید کړی دی. پولیسو ویلي په دې اړه یې پلټنې پيل کړې دي. په دې وروستیو کې په امریکا کې وسله وال بریدونه ډېر شوي دي چې له امله یې خلکو ته درنې مرګ ژوبلې هم اوړي.