بیزنیس انسایډر: ټرمپ د خپلو تېروتنو پټولو لپاره له افغانستان سرتېري وباسي

ټرمپ له افغانستان د سرتېرو د ایستلو له لارې غواړي په نظامي برخه کې خپلې نورې تېروتنې پټې کړي. امریکايي نشریه بیزنس انسایډر وایي ټرمپ د خپلې واکمنۍ پر مهال د امریکا په دفاعي او نظامي برخه کې سترې تېروتنې کړې دي او ګڼې ستونزې یې جوړې کړې دي چې اوس غواړي له افغانستان او عراق د خپلو سرتېرو په ایستلو دغه تېروتنې پټې کړي. د سرچینې په خبره د امریکا په دفاعي لګښتونو کې د شاوخوا ۲۵۰ میلیاردو ډالرو ډېروالی، کمزورې نظامي ستراتيژي، د امریکا له سیالانو سره سمه سیالي نه کول او په ټکنالوژيکه برخه کې د پوځ د پیاوړتیا لپاره اړین کار نه کول هغه تېروتنې دي چې ټرمپ په دې موده کې ترسره کړې دي. بیزنس انسایډر وایي ټرمپ غواړي ارو مرو له افغانستان د سرتېرو د ایستلو ژمنه پوره کړي او پایلې یې ورته مهمې نه دي.